琴晚打左一篇野俾mike
內容係講,其實如果佢唔想再同我一齊既話,其實可以離開我..
講真...我真係驚佢睇完真係會同我分手..
但係我覺得我真係冇辦法再忍受咁落去..
不安感太多,我真係冇辦法再忍落去..
最近一直都諗呢件事...心裡面做哂準備
或者係一個自我保護既心理機制
我既感覺一點一點咁消失
即使大笑其實我都唔覺得開心..
所有喜怒哀樂都係因為有事需要而產生反應
而感覺如同已被消滅
冇喊冇笑冇嬲冇開心唔開心
我唔知咁係好定唔好..
但係其實我寧願事事敏感,對每件事都有感覺

如果真係要同mike分手,,
我諗我會好快咁搵過另一個.盡量將自己活得好好..
我唔想佢覺得內疚..或者有好似令我唔開心既感覺
我想佢開開心心..先會決定問佢需唔需要同我分手..
如果唔係..我冇啦啦問埋d咁既野托咩..

想快樂到底 終於跌落到底
我 拿不起 放不低

我一直係到諗如果同佢分左手..
會唔會好似4年前咁..冇辦法再去愛人...
我有d怕..因為我覺得我會..
我個心..已經俾佢帶走左..
即使我知道其實我有退路,,偏偏我個心已經冇路可退


”若抱緊明知不會合襯 誰人叫我太貪心要你熱吻”
”明知後退我也可以避 偏偏又放縱到扮你知已
期望你太多 注定難過”
”路過幾多好人 誰也極吸引 但到底只會為你恨
明明是個個也都漂亮 偏這樣沉溺喜歡你
寧願恨到你喪失趣味 偏偏又愛上了沒法心死”
”不理力量奉獻幾多 不顧後患尚有幾多 喜歡你 逃避你 你不必知道清楚”
”天再大 唯有你能親手殺死我”