同Erika傾計，一傾傾到五點… 天呀，我幾時又變到咁好為人師的… 不過可能真係對手的問題。好耐無同人傾咁耐計，同埋傾咁深。應該說，我實在太少無真正意義上同人溝通了吧？雖然有時候是不能而不是不為… 嗯… 溝通都要睇對手啦，對手唔鬼理你你講咩都係哂口水…

結果今日又試兩點起身，兩點… 真係好浪費時間。話係起身，其實都不過你攤在床上睇《金閣寺》… 說真的這種小說大概會讓人越看越消極的，但這種消極的力量有時候真比積極的力量來得吸引而有力… 這到底是什麼現象啦…

接近晚上，和Erika到吉之島買餸… 原來金山有間咁鬼大的吉之島，個商場感覺好似九龍塘… 只不過係無乜名店，不過，日本的衫係唔係都咁貴，唔係「名店」大概都無乜真正分別… anyway，個商場搞到我鬼咁high，嘈喧巴閉的，好耐未試過咁啦… 到最上一層，竟然發現一間寵物店，入面的猫猫狗狗都超可愛，最搞笑係有兩雙猫，一隻藍猫(第一次見!!!)過度活躍咁，超好玩；另一隻好似千金小姐咁，雖然係猫仔但真係好高貴，好斯文… 始終… 雖然狗都好可愛，但係都係猫有性格一d… 見到兩隻猫仔真係好想好想好想好想好想好想好想買… 不過竟然賣成萬五港紙… 呼… 不過就算平我都唔買得啦… 就算呢度比我養我都帶唔番香港… 不過真係好可愛…

聽日又要開始番學… 唸下已經覺得好煩…