係咪我錯?

你本來話出黎,一句唔黎就無哂聲氣,
成晚打比你都搵你唔到,
send左sms比你,你朝早見到都無打返比我,
我今朝好唔舒服嘔返唔到工打比你,
我喊到成面眼淚鼻涕好鬼棲良,
係因為我病好辛苦,
而唔係你諗我既嬲緊你,
你仲不停咁為自己講說話,
我好辛苦,我想合埋眼訓覺,
但你竟然用d咁既語氣叫我病都好,都要自己諗下諗清楚,
oh my god! 唔該哂!
我係邊個呀!你用你老細向你說教既語氣話我!
係都唔係呢個時候呀係麻!

你一聽到我講話唔想同你講野,
你就極快咁收我線,就無搵過我,
你當我係咩?
係,你o岩,我要諗清楚,
係諗清楚仲同唔同你一齊,
一個月裏面不停咁一啖砂糖一啖c,
我諗我真係要諗下,
你有幾錫我,
應該係會唔會錫我...