有時有D野想避開，但愈避就愈逼埋身。講既係王力宏，佢一直都以創作實力派形象出現，但有關佢既緋聞或閒言閒語卻一直未離開過佢，遠既有係拍時與城城既爭歌事件；近D既就有佢同名模Rosemary既一段迷離緋聞；而最新既就有佢同師弟陳司翰既爭寵加避合照事件，不過由始至終力宏都保持一貫作風，酷酷地回答：「呢D野我唔會講！」睇黎力宏既冷淡亦撲不熄是非之火。

呢D野唔敏感

「我同鍾珍既事？我覺得呢D野一D都唔敏感，事實同傳聞既完全唔係咁樣，我同鍾珍非常熟非常好，今次我黎香港都有同佢見面，我拍廣告時佢都有黎探班，佢本來就係我電影方面既經理人，當然而家都重係，而我就有另一個負責其他方面好似廣告既經理人，所以我同佢開始合作以來好好，個D都係亂寫既者。」

希臘假期

「我係8月尾左右就會放一個星期既假，等我做完今次既宣傳同埋返台灣做完一D工作之後就會出發；我好期待今次呢個假期，因為會同屋企人去希臘，全屋企人對上一次一齊去旅行差唔多係十年前既事，今次我外婆、表哥、哥哥、細佬同埋爸爸媽媽都會去，而且我同哥哥有近一年無見過，所以好期待！」
「點解會揀去希臘？無乜特別原因，只係因為未去過，同埋唸個邊應該會幾靚，同埋可以坐船去好多島咁四圍睇；同埋係香港好難變黑人，下次大家見到我會曬黑晒！」

巡迴演唱

「係年底我會舉行我既第一次全亞洲巡迴演唱會，所以要開始籌備工作；而我既新碟會係下個月推出；全部都會係自己既創作，而D歌曲因為配合演唱會，所以會有多D
o岩舞台上既表演，呢D歌現場唱會好好氣氛，而且係互動、好有energy同埋多D
live樂器，無咁多電子，會比較rock同埋band sound D既。」

頌獎禮係Politics

「我之前係台灣得過既”最佳男演唱人”獎，係我入行以來最開心既一個獎，因為之前好多人以為我只係一個偶像歌手，得呢個獎之後對我有很大幫助；另一個原因係因係一個公道既頒獎禮，佢既評審都係音樂人或係呢行做左好耐，而其他既頒獎典禮我好清楚politics(政治)，之前D得獎者已經知道有無得獎。」

後記：唔客氣

雖然力宏唔多想講其他人既野，而且外表及語氣都有點cool，但對於記者、fans既合照及簽名全部來者不拒。
「唔好意思，可唔可以同你合照？」
「無問題！」
「sorry，介唔介意簽埋名？」
「梗係得喇！唔駛同我客氣喎！」
「咁……我唔客氣架喇！一陣一齊食飯丫？」
「好呀！」
結果……咪又因趕時間而溜之則吉囉

from Monday
(12)