無可否認,同屬高大靚仔有型既王力宏同陳司翰,係外形上確實有幾分相像,再加上發生向經理人鍾珍爭寵事件,令外界對兩人既比較變得白熱化,作為前輩既Lee-Hom(王之洋名)係聽過Victor(陳之洋名)新歌之後,爽直咁答左句：「佢有前途！」睇黎完全無懼陳慧琳細佬既威脅！對自己信心十足！

一致的笑容

坦白講,訪問期間Leehom唔係成日笑,九成時間都擺出一個Cool Look,似乎心事重重,但係佢等轉場景時,一部電子遊戲機竟然令佢展現少有既笑容,小記腦海中突然浮起Victor笑容既記憶,小記亦終於搵到佢地唯一最相像既地方－笑容。

睇好陳司翰

問起Leehom點睇Victor,佢即刻回答：「我還未聽過佢既新歌。」小記此時立即拿出一隻新鮮出爐既Victor新碟俾佢聽,佢一邊聽一邊問：「隻歌係咪佢作既？」擺明非常關注Victor既創作實力,不過當記者話並非Victor所作時,Leehom即刻淡然說：「有機會,首歌幾好,聲底都唔錯！」言下之意是歌藝平平,不足為患？

「我係創作派,唔同類唔會驚」

Leehom雖然對Victor讚不絕口,不過對自己仍信心十足：「我好開心見到好多新人出碟,不停見報,好努力去做宣傳,不過我對自己既發展仍然好樂觀,因為我覺得我地係唔同類既歌手,歌路唔同,威脅唔到我既！」Leehom表示即將推出既新碟歌曲會較為成熟,再加上全碟由佢自己創作,偶像派既陳司翰又點可以比呢！

唔想再提Rosemary

Leehom雖然好理直氣壯咁講話唔怕樂壇新人既衝擊,不過小記一提起早前被傳係Leehom緋聞女友既Rosemary時,仍難掩Leehom尷尬之情,對於小記既提問,Leehom只說：「我不講,我唔答你,希望你唔好寫！」場面頓時靜了下來,相信對於Leehom黎講,「緋聞」既殺傷力比「新人」為大！

from 《新假期》
(12)