說有一日，Sean去完會所玩，一入屋邊脫鞋子邊跟工人姐姐再三投訴!
Sean:XX,真係好曳呀，真係好曳呀！唔好同佢玩！
當時他的樣子是皺著眉，鼓起兩旁的腮位，堅嬲！
（XX是在會所遇到的一位小朋友，年紀相近的小男孩)

回家後工人姐姐便一五一十說給我聽事法經過...........
工人姐姐:今日Sean係會所同人鬧交！
我：？邊個呀？
工人姐姐：XX呀！
我：點鬧？
工人姐姐：因為Sean唔同XX玩，咁XX就問Sean點解唔同佢玩，
Sean:你好曳呀，我唔同你玩喇！
XX聽後便伸有打了Sean一下，大約在膊頭位置！
Sean:？！你打我？！你咁曳，你姐姐會好嬲，唔帶你返屋企架喇！
當時我家工人姐姐已叫Sean算，不要再講；亦勸XX要乖D，如果唔係Sean會唔同你玩架喇！
XX在我家姐姐及他自己的工人姐姐勸告後，可以冷靜下來，並向Sean道歉！
更向Sean承諾會乖！接著Sean便在半推半就下跟XX玩一會！

其實這位XX我都見過他，接觸過他，看過他的惡行！
在於我這位家長角度，我是接受小朋友玩的時候是有推撞的，
當然只限輕微！因為每個小朋友都要學習自己排難這一環節！
在此事件上，我欣賞是他沒有還手，但他用了潑婦罵街的方式有待改善！
在姐姐報告完畢後，我再向Sean問及此事時，他仍不停說XX很曳！
更再一次肢離破碎般說出事件的始末，跟工人姐姐表達的一樣！
當他說到XX打佢時，我問Sean當時有什麼反應，
Sean:好驚囉！(我心裡真的暗笑--因為他說出他的真感覺)
繼而再教他如再遇到此事時，還有其他處理方法的！

原來Sean說話進步了，很有可能性的就是由鬥咀開始！