５月１日

今日起身便去了染頭髮，因為如果唔係都唔知幾時染．　跟住就約左大家在老地方等啦，好開心又去１號仔屋企喇^O^　今日係同西人預祝生日的喔．

因為小明及亞腳要去會合ＪＡＣＫＳＯＮ　佢地一齊買野，所以中途已經落了車，因為我地今次係第１次坐依架巴士（之前唔係依個號數），所以行程有Ｄ不同，而周公又未去過，佢都唔知．我地４朵花唯有本住《長今力量》，差不多似便下車．．．．．點知．　．　．　．　我地係早左４～５個站落車V~V．　行左都有半個鐘吧！！幸好沒有下雨，有太陽（但又不是太曬）但都好熱呀！！可能大家都預左今年唔會去ＣＡＭＰ，所以唯有選擇今次早Ｄ下車，當係行一個小山徑吧．


行左好耐，终於都到喇！！！　大家都忍唔住叫ＶＩＣＫＹ開冷氣，ＣＯＯＬ～～～坐了一會，買ＢＢＱ野食的人都到喇！！男仔當然仍然係要打機，而女仔就唯有玩牌啦，亞馬仲比我氹左佢做升級豬呀>~< 不過女仔仲有一樣節目是欣賞ＶＩＣＫＹ　毛毛，菓子擺設（好靚）到做《大長今》大結局時，真的想像不到有咁多人一齊排排坐咁睇！當然都有人唔睇的，咁佢地唯有去預備ＢＢＱ吧！

我地看完大長今便到天台填肚啦，好肚餓呀～～～Ｄ　ＢＢＱ野食真係好好味！　食飽後大家今次都冇玩"耍盲雞" 而係"吹水"　仲要係男一邊，　女一邊．　男仔的一邊係好有〔男人味〕ＦＥＥＬ，但當然佢地冇男人味主角的樣啦〔我都想〕女仔就是什麼都傾，好開心～而且除左我結婚之外，仲有ＶＩＣＫＹ同一號仔；蘭蘭同ＪＡＣＫＳＯＮ都出年結婚喇～～～好開心呀　^O^

時間都好夜，而且大家都飽飽喇，便回到屋切蛋糕，送禮物啦～～希望佢ＬＩＫＥ啦．但估唔到妖仔都在此時此刻送出〔愛的禮物〕給西人．．．好開心呀　！！！