話說上星期放工後上ＡＶ　ＨＯＭＥ，（亞芝，亞ＭＵＮ，我）三人行～因為太近，所以打的上去，我一上到的士，見到司機個樣好熟．．．．在我的好奇心驅使下的忍不住問司機，亦發生以下對話：


Ｔ：　司機你好熟口面呀，你係咪拍過戲架？？

司：　係呀．．．係呀．．．

Ｔ：　真架？？

芝＆ＭＵＮ：　唔怪得之咁熟口面啦．．．．

〔因為太長，刪下好多字．．．．但其實都係講緊Ｄ哥仔姐仔邊個靚唔靚，邊個食唔食煙咁．．．我要講重點^O^ 〕

司：　甜酸爺爺岩岩出完街啦，我都有份拍架．．．．

Ｔ：　係咩，咁亞申呢，方力申係咪唔食煙，好乖仔架．．．．

司：　係呀，佢唔食煙架

Ｔ：　好健康呀，呵，係咪好有禮貌呀？？

司：　係呀，真係好健康．佢拍戲時都係坐你坐緊個位呀．．．．

Ｔ：　真架．．．．哈哈．．我同佢真係好有緣呀．．．．．

〔此時亞芝＆ＭＵＮ都叫我要爬下．．．．〕跟住好唔捨得咁落車喇！！

司機仲話下次有機會再傾過呀　．．．＞Ｏ＜


真係好開心呀，亞申真係好健康架，而且仲係好有禮貌，冇失望．．．．正呀！！

佢係第２個筍盤呀　！！