HiHi~~~~~ ^0^

大家係咪好掛住我呢？嘻~我都好掛住你地架！四日既台北流放之旅終於結束，我真係好好好開心！感覺非常非常之RELAX！好心急想睇相同想知道我做過d乜？嗯.....請大家耐心等候，我會盡快處理好比大家分享！

前晚落機返黎執下野....兩點幾先訓！（仲有辛苦你咁夜黎接機，不過可以第一時間見到你真係好開心！^.^）尋日朝十一點未夠就起身。下午跟爸爸食tea，傾計傾左兩個鐘！傾左好多野呀，好多以前既事，開心的唔開心的，感覺好暢快。爸爸仲封左生日大利是比我呢！嗯.....有點過意唔去。之後就同好朋友們吃飯傾計睇大家既旅行相，好開心！呢種感覺....久違了。尋晚0向海防道0既樓上cafe我覺得好舒服，我好鍾意！有個大大既窗可以望到出面，街上0既人，黑漆漆0既天，雖然有樓宇阻擋，不過間中0既涼風吹過已經彌補不足！我地傾到兩點幾先走！好耐無試過咁夜喇，之後一齊坐的士落旺角再各自回家。好耐無搭過呢d紅van喇，以前都係因為飲完酒好夜而搭，原來當你自己好清醒而咁夜返屋企係會覺得驚架！尤其係見到d飲到迷0左0既人坐0向附近、落車咁靜仲要行一段路先返到屋企....0個陣0既我真係好大膽！！嗯.....都過去了。而家都好乖好抵錫！

今日天陰有雨，今朝仲比雷聲嚇醒，唔知阿仔有無驚呢？有d掛住佢...不過又未有衝動快d接佢返黎喎~~ 咁奇怪0既？ =P