3/3/04
一早BOOK 左羽毛球埸既我, 好準時咁返到學校打羽毛球~!YEAH~!而今日都係入CAMP 既日子, 劇烈活動就咁就開始咁.....

晚上9點零就去到大嶼山塘褔度假屋, 已經準備好哂燒野食D野, 一入到去, 即刻就食~!
十五個人爭一個TOILET 囉, 救命...沖涼我排第七~!用既係電水爐, 有熱水一陣果隻呢, 一陣熱到滾, 一陣出凍水~低能架, 我沖身之後, 查完番皂, 跟住全部都係凍水囉.....勁慘~~~

打下麻雀仔咁, 就玩下集體遊戲, 出面12度之下, 玩到個個著短衫短褲囉, 玩"心臟病" 果陣, 仲記得好深刻既"打交飛LOOK棍", "我羅多姿唇" 囉...個個玩到都痴哂線.玩到5,6點仲唔夠, 又玩埋勁劇烈既"耍盲雞", 笑爆肚, 大唔透.......

我諗都有玩左個幾鐘, 跟住真係頂唔順, 要訓喇, 訓左一陣, PIERE個電話唔知做咩鬼放係人地間房, 勁嚮又刺耳, 忍唔住起身喇. E~~仲有早餐食添, 估唔到女仔們係一D都唔使洗野,煮野呀咁....呵呵呵呵, 真嘆!!!~

食埋又玩多陣, 就執野走喇.....