同ENEWS的新舊同事，一齊食開年飯，連細WING同埋阿青呢啲稀客都光臨，令我哋今晚既飯局生色不少﹗今晚餐飯我哋去咗「豐收日」到食，聽個名就知好意頭，都係要歸功大食丁既好介紹，呢間野係食上海浙江菜架，雖然份量唔多，但係因為人多既關係，反而可以每樣試少少，而且味道同服務都唔錯﹗

我哋叫咗成十幾二十碟野，當中包括蟹肉刺身，小籠包、生煎包、無鍚小排骨、醉雞等等，真係數之不盡，由於我哋等位等咗半粒鐘，部長為表示謙意，仲請咗我哋食芒果布甸、桂花糕，San子又係公司攞咗Baileys，同埋公司二月之星又送咗個聖安娜香蕉朱古力蛋糕，嘩﹗呢餐真係飽到上心口.....

其實食都唔係最重要，反而可以一大班人聚首一堂先係最難得，雖然大家好多都各散東西，但係大家既友情都係不變......阿丁三月就要返去加拿大結婚啦﹗真係好唔捨得佢，佢仲好好咁，送咗幾份禮物比我，全部都係我最鐘意既野，佢真係好鬼鍚我呢﹗



180486_10150091126057424_585372423_6430488_5162349_n.jpg