近日係學校發生左一d好唔開心的事,其實都唔係近日的事,因為已經蘊釀左好耐了. 星期四的事,有好多人都知道我走左出去. 講真當時我真係好唔開心同好嬲, 因為我已經忍無可忍, 第一次, ok我唔出聲; 第二次我靜悄悄咁走左出去; 第三次我只係講左一句 “玩夠未呀?” 我就走左,亦都係大家見到我走.老實講,如果係以前的我,係第二次落錯野我已經發了火…….d姜做左成total 9個鍾,就係因為短短幾秒的落錯野的時間就白費心機. 落錯野都算,就連一句最basic的話都可以唔講………我真係好嬲,其實唔單只係我,我的另一位成員都係. 調轉你係我,你會唔會激動? 大家同一組, 一齊好, 一齊死, 我諗冇人想累人, 既然係咁, 就唔該做好自己的本份.
我認我係一位成日發脾氣的人, 但係我唔係無理取鬧的人,而係有事令到我好嬲我先會咁. 做lab的事,我已經一忍再忍….點解做lab要唔認真, 係我都會玩, 但都要分輕重, 唔係每個時間都可以玩. 有時見到大家busy 就可以幫下手. 講真, 我真係唔明點解次次做lab都可以遲同做錯, 而人地的group 就唔會 or 比我地少, 好明顯就係我地有問題. 做lab遲我真係好唔高興, 我係一個好急的人, 當然我想快d做完快d走,我住得咁遠返屋仁都要時間嫁……而次次做lab都可以錯就更加離譜, 係, 我有時都會錯, 但人為的錯係避免, 做lab的第一大忌(我認為)就係唔可以錯,因為一錯就會影響打後的野…..但絕對唔係 “做lab一定會有錯”, 我真係想問,呢個係咩理論呀? 好明顯係學習的態度啦!
之前我都認為自己太過認真, 但後來大家lab的成績都 “有目共睹”, 講真第二年係好重要的一年, 之前year 1 大家 hea完就算了, 但今年我真係唔想渾渾噩噩咁過. 我成日都咁諗, 我地講完呢個course之後, 就無咩機會會去讀書, 點解唔將你的努力放係讀書呢? 再者, 今次的 course會大大影響直接或間接的將來的前途, 我唔想因為我的一時貪玩而影響左我的一生. 雖然我知道自己唔會係去澳洲的人選, 但我都想盡自己的努力唔好失禮於人前, 而且對得住自己的良心.
我好記得以前中學時代的楊sir曾經講過的一句大約的話: 你做d咩冇人會理你, 最緊要的係唔好影響人. 而定我將佢改良: 讀唔讀書冇人會理你, 但你唔好因為自己的懶而影響人地的成績. 每個人都會有做錯,我都有, 係經常tim, 做錯係冇人會怪你, 但錯之後唔該諗諗黠解會做錯, 係本身的野錯? 自己唔小心? 自己唔認真? 定係你根本冇將佢放係眼內? 有d理由大家會接受, 但有d根本唔係理由的理由, 點再叫人信你, 你亦唔好意思啦!
係呢度我都好感激昨日同我係icq同電話傾吐的人, 我相信學校仲會有一d真正認識我, 明白我的人. 而且係呢度我唔係明或暗針對或者中傷某d人, 我只係想令人地知道, 自己係有錯, 但人地都有錯…..我記得係仁濟做placement時我的師兄阿金講過 “做錯就要認, 鬧就要企定” 呢句話真係好正, 做人總有錯, 但你肯認錯, 唔會有人再怪你的, 努力過就得了.
我係一個係讀書同工作方面ok認真的人, 因為我覺得咁樣先至係一個正確的態度…..我唔想因為大家對事的態度有分歧而影響大家的感情…….人們對事的態度冇人可以改變, 我只可不出聲, 亦不評論別人.