今日返教會,聽到一位牧師佢講左一個有關一對夫婦的故事:

係幾年前,有一對好窮的夫婦,有一日,丈夫心愛手錶的錶帶爛左,係因為太窮而無錢買個隻新的,所以無得戴.而太太佢有一打好長好黑的頭髮,但佢無錢買梳來梳頭...
係個年的情人節,丈夫見太太無梳梳頭,所以賣左佢隻錶來買一把新梳送畀太太做情人節禮物;而太太見丈夫隻手錶的錶帶爛左,於是把自己的頭髮剪左,拎去賣而換錢買左一條錶帶送畀丈夫.回到家,丈夫見到太太的頭髮剪左,已經知道係咩一回事了.
如果主角是你,你會唔會用自己最心愛的東西去換取所愛的人的快樂呢?係而家,我地想買一份禮物送畀至愛的人係好容易,但裡面有無包含左你的愛呢?為左你最愛的人,我地應該可以犠牲自己所愛的東西.

係而家呢一個社會,離婚已經好普遍,但點解要離婚,點解當初又要結婚呢?原因係人們根本唔重視婚姻,有人會認為婚姻係一種利益交易,這些人根本不僅愛別人,更加不能為人犠牲一切.

真正愛一個人,唔係重於表面,而係視乎心裡面---你願意係困苦時為佢犠牲一切嗎?神愛我們,所以可以為我們犠牲一切,而我們都應該去學習呢一種精神,用心去愛你身邊一切的人!!

而我都會去嘗試用心去愛我身邊愛我的人!!

你呢??