2008-12-30 14:29:44歡歡
勁爆笑~ 哈哈哈......
頭先同Honey去食新武二
就到轉角位ge時候
迎面而黎一個女人
跟住突然見到地下有一舊物體係度滾動
一睇, 原來係隻高踭鞋
我同Honey費盡九牛二虎之力
搏命忍住....忍住....
個女人以九秒九ge速度著返飛離左佢一米ge鞋
我同Honey過左轉角位
即刻爆笑XD
雖然好似好衰咁
但實在係太好笑
百年難得一見ge"火羅"景
真係忍唔到
笑到肚痛XD
-------------------------------我係分隔線-------------------------------
早幾日同Honey一齊睇左佢強力推薦ge<<射鵰英雄傳之東成西就>> (1993年)
真係笑到肚攣
梁家輝同張國榮跳舞...XD
梁朝偉殺張學友不遂...XD
仲有好多好多...超級爆笑!!
而且粒粒巨星, 陣容非常難得
我有碟呀, 想睇可以問我借^_^
(演員: 張國榮, 梁朝偉, 劉嘉玲, 張曼玉, 葉玉卿, 梁家輝, 林青霞, 王祖賢, 張學友, 鍾鎮濤...)
下次提我, 我攞比你