星期六晚郭西嘉生日前夕
去左佢屋企開P
西瓜(郭西嘉)屋企好多野玩呀
大家都好開心
不過因為落好大好大雨
所以留到2點幾先走得

第二日訓到12點幾
食完飯買麥當當比男人
咦? 好天出太陽喎(已經連續落左成個星期雨啦= =”)
渣車去!!
頂~ 新馬路又係塞到傻左~
2點半去到男人屋企(陰公~ 你實好肚餓)
食完野, 染髮, 我個頭又唔同左色啦XD
我仲趁住空檔時間幫佢屋企掃左地, 好乖呢~ ^^
6點, 出發, 去Venetian!!
NO, 正確黎講, 係去ZARA!!
千里迢迢, 終於黎到ZARA
發現上星期睇中ge衫, 全部唔見晒, 係全部!!
之前上網睇過, 話ZARA兩個星期可以出一條新line
但原來更勁ge係, 佢一個星期換一次架
你睇中左唔買, 過兩日黎就唔會再搵得返架啦~>_<~
好失望......唯有從新再睇過
行左成粒鐘, 始終都有斬獲
好野^o^
心情大好, 返過澳門, 食和花亭
埋單$222.2, 超級好意頭!

美好的一天......