見面少左, 感覺陌生左
傾偈少左, 了解都少左
自從你返左荷蘭園之後
我地就逐漸跌入沉悶ge深淵
你返工時我放假
你放假時我返工
已經好耐冇試過行街睇戲食中午飯
更遑論一齊放假去玩
你同我講左好多次”好悶啊...”
但係, 我真係愛莫能助
我放工之後ge時間都盡量見你
但係我返緊工你放左工之後個段時間
我又可以做D咩呢?
真係R晒頭
每次聽到你好厭惡咁嗌悶
我就好內疚
係我做得唔夠好
係我陪唔到你
我亦都唔夠關心你
你成日話黎黎去去都係做個幾樣野
食晚飯打機影貼紙相行水塘
但係, 澳門真係好細
冇地方行, 冇野好做
有自己地方都仲話可以煮下野食睇下電視
出到去真係冇咩好做
我成日都好驚我唔知幾時會悶走你
每次見到有人為你帶黎新玩意
我就好羨慕
其實你需要一個咁樣ge女朋友吧
不停咁有新點子
你需要一個可以豐富你生命ge另一半
我太悶啦, 唔識得尋找新奇玩意
我只係識得有新玩意ge時候去試

唔知係咪因為PMS, 我開始抑鬱
個胸好痛, 跑唔到步
但係仲未黎
又遲左... 亂晒喇D日子...