今朝5:45個肚突然間好痛好痛

頂唔順起身去廁所, 校左鬧鐘6:15

仲有幾個字......都係訓多陣......

6:15起身, 一出房門見到神枱裝晒香

刷完牙洗完面, 比阿媽捉住拜神

原本諗住gum完機搭巴士, 點知!!

滙豐個部死人機gum唔到錢

死喇......冇錢找學車ge堂費

點算....都係...去到再算...

點知!! 第一班巴士迫爆上唔到

既然係咁, 返屋企問阿媽借錢找數!!

借左錢再出黎, 今次行前左一個巴士站搭

點知!! 第二班車一樣迫爆!!

7點幾啦.....冇辦法, 唯有搭的士

”唔該學車場巴士站”

”學車呀??”

”考呀今日!”

”考呀? 嗱, 聽我講, 考車最緊要唔好緊張......(下省幾百字)”

的士司機全程係咁輔導我

臨落車仲祝我成功, ”多謝!”

一落車, 又肚痛, 再去廁所, 死啦......

唔係呢個時候肚痾呀?!

好彩, 之後又冇乜野, 打左一個鐘八字, 出左兩次街

終於, 要開始啦, 點名......頂!! 又包尾!!

今朝有十零廿個左右啦

八字......飲左幾個呢?...好少, 唔記得

全部衰出界, 有個女仔停低ge時候落左右腳

嘩! 3個考牌官都比佢過, 咁好?! 落右腳都冇事?!

到我啦...到我啦...死啦...好驚呀>_<

我不停同自己講, 用左咁多時間學

再衰又唔知等幾耐啦, 死就死啦>_<

第一圈, 下面個彎攞得唔夠, 有D驚險

但係打完第一個圈就唔驚Lu~

兩個圈、三個圈、停低, 轉返上去, 落斜

Yeah~! 得左!! 過左八字, 成功左一半

跟住出街, 排中間(總共14人, 我排第8), Lucky~!

係開始無幾耐ge一條直路上

有私家車企圖衝上黎, 跟住其中一個考牌官截住佢地(好好人呀~)

返考場最後個條直路, 又有私家車衝出黎

(大佬你識唔識睇讓先符號架?!你讓先架!! 考車都唔讓, 真冇品!!)

比佢截斷左, 我唯有吊住佢尾行

順利返到考場, 熄匙, 落腳架

返齊之後, 考牌官叫全部人行埋去

”基本上出到街ge都合格, 冇乜大問題”

Yeah!!! 得左^^ 好想大叫

考左3次, 終於得左啦, 多謝各位ge支持!