愛死你啊~~~~ >3<

好香呀支香水, 咁都比你搵到個板

隻味sweet~ sweet~ 啊

仲有對鞋, 好感動啊 ~>_<~

仲有你幫我揀ge果個同果條(嘻嘻)

我全部都好鍾意啊~

雖然尋日有唔止一個人提起令我討厭兼反感ge話題

但Anna Sui出現之後, 我ge心情就變得好好


---------------我係分隔線---------------


尋日沮喪左一日, 因為你成家過晒香港

我就要返工-_-|||

你實話: 你可以請假架, 你唔請?!

但係尋日請左, 18號又想請, 22號又要請

下個月22號又要請, 咁我咪冇晒D年假??

而且又會返唔到會計, 走左好重要ge上一堂

今堂返到去好似一舊雲咁, 超攞命

個校長仲要入黎擾攘左幾次, 真煩

企我隔離做乜姐, 行開啦!! 唔鍾意你呀!!

其實我都有諗過請假, but我相信黃生應該已經攞晒船飛

所以都係算喇, 無得怨...

放學返屋企食完飯, 沖埋涼, 就開始等......

睇完舞動全城大結局, 再睇埋歲月風雲大結局

10點半囉喎, 打個電話先, 無開機.....

仲未返到......仲係香港? 係碼頭? 係船上面?

繼續等......等.....等......過左11點喇

我開始眼訓喇-_-zZ 再唔出去我就會想上床訓覺

終於電話響, 我就即刻換衫出去

”咁夜仲出去?! 聽朝仲要返工啊!”

”嗯, 得喇, 去一陣返”

”早D返呀!!”

出到去都仲要等, 等你接, 唉~ 如果我有電單車就好喇

今日成日都好寂寞~

但係有Anna Sui, 萬歲~!