16/1 星期二

今日放學之後就返屋企溫習等bb放工，
因為佢約左朋友一齊睇Rocky，
其實本身我興趣不大，
但睇完張海報之後就覺得好型喇，
所以都係前去一看。

嘩...果然冇入錯場呀，
本身估到個劇情點發展，
開頭都有點悶場，
到中段刻劃洛奇不倒的信念後，
真係有點感動得想喊哦，
雖然史泰龍已經變左個60歲既阿伯樣，
但就係洛奇潛在係心中個團火，
一爆之下，勁呀...簡直冇得頂，
好似成隻番生老虎一樣。

龍伯打足10rounds，我就一直緊捉bb隻手，
真係睇到好肉緊嘛，搞到佢隻手都痺哂忝，
仲差d想叫出來幫洛奇伯打氣，呵呵呵，
當然我冇做到啦，不然就失禮死耶。

p.s. 龍伯呢個名係bb改的，
因為佢話史泰龍真係老左好多喎。
同埋，其實我都幾鍾意睇打戲，
當然唔會係而家成龍個d big movie啦。

今晚終於見到傳說中既yammi，
其實佢都幾得意幾好玩呢。