24/5 星期二

今日好開心呀，因為我小女子既birthday，
今晚就約好d舊同學去左旺角食飯，
雖然佢地唔可以到齊，因為要返工or好忙，
但寶雯一定係我身邊呀，鍚哂妳呀。

嘩...又一個surprise，
好大扎玫瑰花呀，我當時都唔知講咩好，
我個friend迎面而來遞俾我，
原來佢地一齊送俾我既其中一份禮物，
收到真係幾開心既，但都真係幾重架，
仲有一份好靚既野，我諗係一套架。

之後我地去左食日本野，
因為佢地知我鍾意，哈哈，
不過呢，個到等位等左好耐，
唔緊要啦，個到d野真係好好食，
等多陣都"底"既。

我地又是不停咁叫野食，
叫左10幾樣野，仲叫左"清酒"忝，
呢隻係"提子味"，都幾好飲架，但就甜左d。

今年生日多左d野，但又少左d野，
唔緊要啦，我有你地呢班咁好既朋友仔，
乜都"底"哂呀，今年生日真係好開心呀。
thank you thank you.......