21/5 星期六

今日放工即刻去左赤柱，點解？
因為4個阿姨一齊約好同阿B慶祝生日，
佢既生日同我差一日咁多架咋，
但佢地就冇乜人記得我個份喇。

呢個o靚仔今年只得11歲，
本來話bbq既，因為主角想喎，
但最終都係搞唔成，
之後搭車途中接到阿姨電話，
叫我去買蛋糕俾佢，入到赤柱沙灘，
好浪漫咁係沙灘celebrate，
哈哈，細姨問我有冇試過喎，
我咪答佢：亨！我咁大個囡都未試過呀，
跟住佢仲話：真係唔好意思，要壽星女買蛋糕，
阿B咁細個就有咁既機會，真幸福呀，
唉...冇所謂啦，今晚個主角都唔係我，
不過阿B就巴閉d啦，話食去邊就去邊，
而家d o靚仔今時唔同往日喇。

之後我地去左灣仔食"韓燒"，
佢地話我食buffet唔"底"喎，
因為我唔係食得好多野，
嘩...但都食到我抱住個肚走呀，
個到隻茶杯好得意，所以俾我影低左。