1/5 星期一

今日朝早再去多次赤柱，
因為今日約左一班同學仔&教授&主任..等，
一齊去燒野，場面好熱鬧呀，
不過就真係好熱喇，好采我帶左掟"帽"去，
同搽好防曬，如果唔係真係曬"屎"我喇，
因為我好怕曬，其實應該話我好怕曬"黑"至啱，
去之前個晚我都問左我個friend帶唔帶帽好，
好采有聽佢話咋，但我返到屋企兩隻手都曬到紅哂呀。

之後夜晚再去左尖沙咀食飯，
因為今日係"Apple"生日，
我地成班舊同學去左Fat Angelo"s食飯，
個到d野都幾貴，不過就好大碟，
如果多d人去一齊食就會"底"好多，
個到d野真係幾好食既，但就油左d，
當晚我仲同隔離枱個BB影相，
佢好得意架，係巴西人。

跟住返到去仲要不停咁做web design，
真係人都癲，兩隻手曬到又痕又痛，
真係好辛苦呀，夜晚仲要做個website，
做到成4點幾呀，聽日仲要交忝架，
但都係走左去訓覺，因為再唔訓我會"屎"架喇。

24小時內的兩次BBQ，再加Big Dinner一個，
嘩....超級heavy呀，都唔知肥幾多，哈哈。