由尋晚十一點瞓到今朝十一點....勁攰呀...鬼咩....大陸十一放咁長...搞到我地勁趕...七點個客仲打黎搞到我七點半先有得走...難得尋日月尾又係星期五...係公司傾下計...寫下日記...放工即刻返屋企覺覺豬啦

但見到間房咁亂...下個禮拜又要去旅行...唯有今日o的起心肝執下佢啦

好彩呢個禮拜返四日咋...而且大陸又放長假..實好得閒啦...但原來係日本十號先係假期..都唔知點解放七號..唔係就可以有四日假啦...不過有兩個同事都拎左Annual leave lu...算啦...三日都好啦

夜晚...去左媽咪d fd度燒野食...果度我去過喇....我以前有個fd都租過果度住呀...不過三年前佢突然失左緃...冇晒消息lu~~~我曾經借晒成副身家俾佢...雖然佢係講大話呃我...但我都冇嬲...我覺得佢好慘好可憐....唔知佢而家係邊呢...身體好返未呢?

antie個女唔知點解一見到我就係咁黏住我..佢好得意架..勁多野講...我同細路仔唔知點解都幾有緣份...通常都好鍾意同我玩...佢好識關心人架...竟然問我係咪唔開心呀..唔出聲既....姐姐冇唔開心呀...不過好熱咋....佢又要我同佢玩煙花...佢話我唔同佢玩佢會唔開心...咁識講野梗係同佢玩啦....

佢仲唔俾我走呀...話我走左冇人同佢玩呀...好搞笑呀

唉..我都想有個咁得意既小朋友呀..頭先見到條村有好多都好後生就有個幸福小家庭好羨慕呀...不過果d多數都係圍村人唔同d既...本身有錢嘛...

我仲有好多想做既野呀...

想過白色聖誕
想考車牌
想學返琴
想去Bali渡假
想買mini cooper
想買新琴

想...想...想

努力搵錢...同儲錢