一上畫就去左睇呢套戲,果然...我唔太識欣賞文藝片...悶到爆!睇既原因完全因為鍾意Sammi,由孤男寡女開始差唔多套套都睇過唔止一次..

套戲其實講一個女人視愛情如命,當佢愛一個人時係幾咁投入同付出所有,但每一次佢都冇揀o岩對象,最後仲死係自己既愛人手上...但其實有一個男人一直係佢身邊愛惜佢,最後亦只有呢個男人為佢既死而痛哭...
以前或者我都會同意佢既愛情觀...但而家人大左...反而覺得女人...始終被愛會比較幸福d

本來個女主角既一生係好坎坷既,不過當拍成電影,就會變得好平淡,加上呢幾日都唔夠瞓,勁攰,所以冇咩心機睇...下次都係睇返西片.....我想睇Johnny Depp果套Corpse Bride...heehee

睇完戲諗住去買埋對cons....點知冇我size...唉...腳仔細真係難買波鞋...好啦...慳返遲d先買啦....買左boots先
未轉涼已經買左幾件長tee...仲要全部唔係桃紅就黃色...sharp到爆啦