前晚半夜俾細佬個電話嘈醒,跟住可能又有少少胡思亂想,好難再瞓返,諗住尋日返到去可以早d瞓,因為呢兩日都幾忙,所以個人好攰,點知...返到去媽咪對膝頭腫晒,又痛又屈唔到,食完飯我梗係拿拿聲同佢去睇急症啦!

去到北區醫院等緊時,又諗起上年阿爺入院做手術,我每日係呢度進出既情況,果時既我,真係好辛苦,幾唔開心都自己收埋喊,但一樣可以捱過去,其實我都可以好獨立好堅強,本來既我就係咁,我郤將我僅有既優點忘記左tim...

同媽咪係醫院度傾計,人其實真係好化學...生命係最寶貴
我亦估唔到媽咪會留意到我既行為,不過我自己都估唔到我連喊既意欲都冇,也許我心裡面早有決定,甚至比某人更早有決定,只係自己猶豫不決而已

生日飯局又排到星期五,我班朋友永遠都好有我心,可能我識得將心比己先可以贏得友誼,甚至只係返左一個月既新工同事,已經好似識左好耐咁,會傾好多好多大家既野... 上星期我地夾份買既六合彩中左四十蚊呀,於是我地尋日又每人夾多廿蚊連埋果四十蚊買左十二張,不過我今晚要出街,我都係聽日等佢地消息啦...heehee

今日大老細唔係公司,頭先二瓶　さん出左一百蚊俾大家買果汁飲^^
ありがとう　ございます。