星期五特別輕鬆,因為係每個星期最後一個工作日,而且又有中秋假期...strong holiday mood..我地又一齊大班人出去食lunch....嘻嘻哈哈

之後,返到公司見到老細同其他日本人打晒呔,原來佢地有個會要開...仲要係視像會議,即係會開好耐啦....我地即刻作晒反..有人提議落街買六合彩,於是每人夾廿蚊,十個人買十張電腦飛,然後靜靜雞影埋一張,每人一份copy...真果張就收埋左...得我同阿橙小姐知道收左係邊咋...heehee

頭先去左食龍蝦剌身....一般啦...唔夠鮮味

返到屋企上網對下六合彩...我好似第二次買...唔知中幾多個字先開始有錢..
十張有兩張中左三個字呀...即係有四十蚊啦..我地每人分到$4 wo....

返工我覺得好好玩,有時做既野係煩少少,但一大班人開開心心咁真係好熱鬧
我本來都以為自己野心好大,怕呢度冇我發揮同大展拳腳既機會,但其實最終目的都係想過得開心,過得滿足jer...人生有咩緊要得過開心呢?一個人要開心可以好簡單亦可以好難,要睇下自己知唔知足

我現在生活很幸福快樂!!