因為之前未有相upload,所以都唔記得寫下我地七月尾去左南Y島渡假tim~

我地已經有幾年冇一齊去camp喇,今次仲係第一次去南Y島...果然...勁多汪汪

因為大家星期六都要返工...所以分批入去啦...我係function holder,就同Marcy,Elaine三人行去買野入去拎鎖匙先...結果俾張地圖呃左,好似好短路程咁,但我地三個人拎住五大袋野,仲要又水又汽水咁,行成半個鐘先到lor,仲要係間爛屋,最正咪真係係沙灘隔離lor....但風大雨大,搞到我地超狼狽...有沙灘都冇用喇

到四點幾,卒卒同鴕鳥佢地入埋黎,我地就去沙灘玩左陣數字球...因為冇買燒烤包,於是又行成半個鐘出返去碼頭食海鮮,阿七剛到就係碼頭等我地...唔知邊個揀食海鮮,仲要果餐除左蝦同蜆冇樣係海鮮,但九個人成千蚊埋單,超唔抵,上星期五同B-789佢地去和輋大排檔,六個人叫左八個餸,加埋啤酒都係四舊水咋,平成半呀

跟住佢地去左買左支淨係得酒精味既爛鬼紅酒返去飲,又係要行半個鐘返去間爛屋度,勁多汪汪lor,我同elaine驚度係咁走黎走去,九點幾阿狗入埋黎十個人係屋度,離不開打麻將同鋤dee啦...但大家都攰,我地冇好似以前咁通頂,玩左陣大家都去左瞓,第二朝出返香港返而大家都好精神,未玩夠,去左唱K同食飯先捨得歸家..不過我地下次都係唔去南Y島喇,都係大嶼山最方便...就算Florence 同卒卒放工過黎都仲得嘛