上個月兩位F小姐生日,我又再充當搞手去補祝佢地既生日...但因為frances係德國有個exhibiton,前幾日先返黎,所以大家等到尋晚先可以慶祝

但好開心,今次好人齊,我地book左枱食日本野,但間野竟然miss左我地既reservation,結果要等半個鐘,好熱lor...不過我地一路等,一路傾下,玩下就好d...最開心係frances搵到工喇,而且係佢想做既fashion design...GOOD^^
以後佢有機會要travel德國,可以幫我地買birkenstock,佢話果邊二百蚊咋!!!

間野d三文魚真係麻麻,一d都唔新鮮,不過勝在樣樣都夠份量,成晚最好味係蟹子沙律同埋炒飯炒烏冬...大家因為肚餓都係度爭食...我仲同jacky爭沙律食,佢仲串我冇儀態...呵呵....突然諗返起中學果時我地maths group lunch time十幾人浩浩蕩蕩去酒樓叫三十幾籠點心爭食既情況,真係好懷念
frances買左一大袋波子俾我地做手信,一人一隻手去抽....我隻手最細但抽得最多..點解?我夠聰明嘛....哈哈...我仲抽晒最靚果幾粒...最慘係marcy最尾抽,得返最少....唔知點解我地每一次都咁開心....可能我地夠低能掛...波子都可以爭餐飽..跟住我又拎左鴕鳥幾粒...呵呵

之後我地去九龍公園切蛋糕...係途經agnes b時我地又走左入去睇野....見到上星期已經想買既新出斜揹袋,同埋有新出既錶...elaine同marcy即刻話我要買電話...拉左我走...係呀...我之前忍左手唔買野好耐喇..不過呢個月已經駛左成五千蚊...要回下氣先既...

去到九龍公園,我地問左兩個靚仔借火機點蠟燭唱生日歌...make a wish後再由我呢個主持負責切餅,但有人提議就咁食...於是你一啖我一啖咁食晒個蛋糕...仲有少少差d用黎擲frances...
然後我又再計劃下一個活動...本來星期日去舂坎角沙灘,點知jacky又話唔得要上堂...frances,marcy & josephine都唔得閒...咁我地幾個自己去粉嶺游水啦...
然後佢地問我幾時搞camp..好啦...最後我地鐵定七月三十,三十一號去南Y島啦....因為實在去左大嶼山太多次,冇咩新意...加上florence住東涌,太近冇意思...我同elaine會搞掂架喇...

成晚唯一美中不足係冇人帶DC...下一次我會記得叫人帶架喇....
另外...因為我呢排都仲要返part time,所以冇時間去睇野買禮物...希望佢兩個都滿意今次既活動啦

不過...我地發覺可能今年要一齊去旅行既成數唔大...因為有d剛搵到新工,有d又轉工...唔方便請假..如果要請假係聖誕去又好唔抵...唯有睇十月大家得唔得...唔得既話可能要出年三月呀...
但我地又諗住搞過中山珠海團先!!!