雖然我好怕熱,但一到夏天我又特別精神......因為我鍾意陽光與海灘,鍾意蜜糖膚色...嘻嘻!最重要係游水可以keep fit同對身體好..其實我四歲果陣跌左落河俾人救返執返條命..唔知點解我唔單止冇忌水,仲好鍾意游水....細細個已經成個朱古力咁...好彩我天生唔算黑....白得快咋

好似七月一號咁...同左大同唱完K lunch..去左西貢,雖然最後又係去唔成半月灣...不過西貢個泳池水夠清...因為唔多人...佢地掛住吹水..我一個人係咁游左二十一個塘,好滿足^^

尋日著得靚靚去返工,因為放左工約左人..心情本來好好架....但一返到公司...嚇左一跳...我既所有櫃俾人打開晒,d box files亂晒...我第一時間check下自己個櫃有冇唔見d咩,見部notebook仲係度就覺得奇怪,於是去睇下d box files...發覺所有都係空既...再睇下大櫃...連03,04年所有文件都冇晒,連我自己私人既files都唔見埋...第一時間打俾同事...留言信箱....超驚呀果刻....

到九點三四同事先返,我問佢,佢話老細問佢拎左鎖匙,然後又話唔記得話我知,老細要拎d文件去check數...03,04年既都要check??玩我呀...最古怪係同事部電腦都拎走埋...不嬲佢地都古古怪怪...越諗越驚...好彩仲有兩星期...都係早走早著好....我幾乎想聽日開始唔返喇....最好而家咩都唔駛我做....快d過埋難捱既兩星期...同埋出埋d糧俾我lor...正常黎講佢係要出支票俾我架,要同同事講先得

另外...我舅父係馬來西亞黎左探我地呀....我十三年冇見佢喇..雖然最後我都係冇book到機票跟去返去玩兩個星期,不過就早左兩個月收到生日禮物...表弟買左一大盒milk朱古力俾我,而表姐就買左條好靚既手鍊俾我...超開心呀..多謝晒...我都要諗下買咩俾舅父拎返去送俾佢地先得

P.S.屋企兩部DC都down左...唔知幾時先可以update相~~