唔知點解，近排個人變得好煩躁，好少事都會大發脾氣，我覺得我d臭脾氣又出返黎．．．

呢兩年好辛苦咁去改善自己既缺點，由一個依賴任性既人，要變得獨立同有耐性，對一個嬌生慣養既我黎講真係好harsh,但呢兩年我一直好努力去改，終於有少少既成績，得到朋友既讚賞！

但近日，好似故態復萌！變得好想去依賴，唔知點解好似控制唔到d情緒，將自己所受既氣發洩係無辜既人身上，尤其我屋企個兩件．．．縱我既父母！
身邊既朋友其實不知不覺間亦受左我既氣！我自己知道的!SOli~~可能身邊冇左個朋友去提點自己掛～～

其實，我都唔明點解昔日同呢個成日要我去改既朋友明明好好地，互相支持勉勵，共患難，但到左今日好似變左陌路人咁？或者，我應該檢討我自己，有時自己對人對朋友都比較自私，咩都諗自己先，冇企係人地立場去諗．．．至少應該去感激幫過我既人,唔應該去埋怨！
所以，當我同朋友講我最好既朋友唔記得我生日既時候，佢地既反應都覺得係一個誤會．．．因為佢地係企係事情之外去睇，比我清楚！
似乎，我還需要很大的努力去學習，雖然少了朋友的提點，但我亦要自己去努力！

前日同細佬傾計．．有時做家姐既我都覺得好慚愧，佢細我成五年，但我都好似冇佢咁成熟同懂事，佢竟然教返我轉頭應該諗下點樣去搵多D錢點樣去理財，有些事情係唔到我地而家呢個年紀呢個LEVEL去做，人地總有原因先做得到，要我當作一個教訓．．．呢個老積鬼呀！但佢比我更清楚自己想要d咩，亦會好努力去學去做佢想要做既野，我覺得好自豪！

就好似某人一樣，難怪當初我會咁．．．不過一切已成為我人生中其中一段美好回憶！