「盈
讓心情靜下來想想
凡事都必須平靜」


頭先睇好耐冇開過ge hkflash板
上面段說話係阿珊俾我ge
我當時回應係

「你的話
很有意思...」

　　o岩o岩睇，原來我d臭脾氣變都冇變過。因為哩個原因、因為我個人ge不爽，冇左好多朋友，而哩d人底到又係咪真正ge朋友呢？我都唔知。

　　有時我會覺得朋友做左某d事唔好，例如化妝咁，又或者其他№，我個心想佢好，只不過每個人都有自己想做ge№，但係朋友唔係應該將佢覺得對佢個朋友唔好ge事№話俾佢知ga咩？家下發現，原來人大左，你就唔可以咁，因為咁樣你個朋友會唔高興，什或會唔再鍾意你。

　　當大家都搵到新朋友ge時間，我ge思想重係停左晌以前，冇進步，慢慢慢慢，朋友就會冇晒。

　　好似而家咁，我真係覺得好煩，補考又好煩，番唔番去，到底應該點？我想番又唔想番，教授又唔覆我，唉。

　　我認我都幾難頂，佢地話我太直，但係唔直我又覺得自己好假......咁即係點？我可以點呀？？？？？？？？？？？？？？？？？？只可以講，做自己真係好難，特別係人地覺得哩個自己好難頂哥陣，更加唔知點。

　　大三喇，番到黎個個都問你，畢業要做乜，我唔知，我更加唔識答你，然後屋企個阿媽俾好大壓力我，佢以你為生活重心，而晌佢心目中又好想你以佢為重心，咁樣好辛苦，我見佢又好辛苦，唔知點幫佢，我俾唔番一個完美ge家庭佢ga喎，亦都冇得生部時光機俾佢，細個哥陣都唔會咁埋怨，但係而家一番到黎就係咁怨天怨地怨乜怨物......咁我可以怨乜？到底我ge生活可以點？點解唔可以好似以前讀小學讀中學咁開開心心。

　　我覺得我又番番去哥種一個人ge狀態，開始失眠、開始不知所措、開始唔想唸№，我唔想要鬧，唔想要責難，我想有個人可以話俾我知點做？點先可以令到我阿媽開心d，點先可以令到自己開心d.................我而家真係咩都唔知......有冇人明我想up乜呀？