今日已經係一月九日喇！終於有時間寫下本年度既一D回顧。上年一月一日好不幸地見自己鐘意既人同另外個女仔一齊，雖然唔係拖手，但係我都已經好唔開心。之後同呢個男仔都糾纏一段唔短既日子，所謂既糾纏係佢成日揾我，又講一D令隔離既人誤會既野，佢仲以為我同一個好FRIEND既男仔有野，如是都咁過五、六月，我對佢開始無感覺，可能係因為大家有距離，佢既生活、喜好、朋友甚至之後既工作都同俄係兩個世界，未同佢一齊我已經覺得我地唔會長久，好彩無同佢一齊，因為係暑假既時候我遇到生命中一個好重要既男人，佢就係我而家既男朋友。
　　我係暑假既時候去影音使團度幫手拍《亞洲英雄》，係個度我做場記，呢份工真係好鬼辛苦，但當中學識好多好多野，而我男朋友就係呢套戲既副導演。仲記得第一次見佢個陣佢個樣有少少傻，講野仲好斯文（原來唔係架）。我跟住個兩個月就跟佢做野，有當初好鬼憎佢（因為佢唔同我講野，後來我先知原來佢怕人地話佢開工時間溝女），到後來我地做好朋友，再拍埋拖。都只不過係三、四個月既事。我從來無諗過自己會鐘意呢類男仔，但竟然最後會同佢一齊，仲諗住結婚（咁當場係四、五年後既事la^^)同佢一齊之後真係好開心，佢對我好好，好珍惜我，佢會同我講將來，比起我以前既男朋友好好多。
　　係今年，我都好想可以好似上年一樣同佢開開心心，唔好成日嗌交，仲有希望家庭和睦，我屋企就快多個BB，雖然我唔係好接受到呢個亞嫂，但都希望佢肚裏既BB健康平安。係呢度希望我既朋友都開開心心，（因為呢期有好多朋友仔失戀），唔洗再為感情煩惱。