資料來源：東方日報 & 譚詠麟.com (http://www.tamwinglun.com/site/?action-viewnews-itemid-3902)

左麟右李的公司早在一個月前，入紙申請紅館重開後做首個演唱會。（資料圖片）
紅館是歌手的夢想舞台，由於建成多年日久失修，待6月陳慧琳演唱會完成後，將休館裝修，約明年一月初才重開。據知，左麟右李（譚詠麟、李克勤）、劉家昌、鄭伊健（伊麵）都力爭首個檔期開騷，搶飲頭啖湯，其中左麟右李已快人一步，搶先於一個月前已寫信紅館「報名」。
記者向藝能高層張國忠求證，他承認：「左麟右李三年冇做演唱會，大家都好懷念，上次阿倫（譚詠麟）幫克勤演唱會做嘉賓，觀眾反應好好，好多fans要求佢0地再開，公司0係一個月前，寫信畀紅館話左麟右李想做重開後第一個演唱會，依家等紅館通知幾時可以正式入紙申請。」
劉家昌做爭標分子
另外，據知bma本來想幫草蜢攞紅館頭啖湯，現在卻改撐伊麵，高層伍潤泉表示：「草蜢改0左暑假，伊麵入行20年，公司構思幫佢開個紀念演唱會，伊麵都未知，等佢拍完《風雲II》至同佢講。」至於劉家昌去年演唱會爆足十場，口碑載道，亦蠢蠢欲動再開騷。至於究竟鹿死誰手，要待紅館重開方能揭盅。