昨日雖然是佛誕假期，
不過我就跟左學校去交流，
目的地係珠海，
同平日返工一樣時間起身，
差不多時間出門口，
約了同事一齊去中港城ｋｆｃ食早餐，
集合、出發，
我印象中好似冇坐過船返大陸，
好緊張呀．．．
個多小時的船程後，
我們就到達珠海，
參觀之前，去了一些無聊的景點，
又曬，又熱，簡直想死．．．
下午，終於有得坐低食飯，
ｄ菜唔好食不特止，
我仲要發現我的女人之苦來了，
好黑仔呀．．．
下午，到左一間幼兒園參觀，
沒有什麼好看的，行下行下就話要走，
跟住好早就去食飯，都係唔得得地囉，
冇乜食過野，返到酒店之後，休息一陣，
就同同事出左去行夜市，
食左東北人餃子店，
好好食，仲要好平，好抵食，
食飽之後就行街，我都有收穫呀！！
回到酒店之後，沖完涼舒服晒，同ｓａｍｍｉ傾了一陣計，
兩點左右先睡，睡得好好喔！！

第二朝的行程；7點15分起身，
食早餐，便出發到第二間參觀的學校，
今日的參觀感覺舒服好多，
沒有昨天那麼辛苦，
而且，下午的午餐亦不錯喔！！
午餐之後，
旅行社安排了很差的活動，
大夥兒都對那個景點石景山沒有興趣，
於是就車左我地去ｓｈｏｐｐｉｎｇ，
我和同事們除了行左一陣之外，
我地便去了一間好得的ｃｏｆｆｅｅ　ｓｈｏｐ飲野，
環境很好，好舒服的。
最後就是回程返香港。

總括兩天的交流之旅，
參觀學校方面其實同過往參觀的大同小異，
不過可以同班同事飲飲食食，
而且，我又可以見到舊同事，都幾開心。
經過兩天的辛勞，
今晚一定好好訓的！

低能二人組＠酒店

我和ｙｉｍ　ｙｉｍ和阿梓

第二日參觀的幼兒園

行程第二日吃午餐的地方