今日唔知點解, 走左去睇下有冇留言, 其實我都知冇人會留架啦, 因為你地都唔鍾意留言既.^^

點知原來有一個 ... 雖然我知佢係唔開心, 但係我一直都唔知佢係咁諗架. 睇完個留言之後就第一時間send 個offline message比佢. 佢點會咁諗架 ...? 我唔話佢知我唔開心只係因為我覺得我咁大個人, 有d野係應該自己面對. 我知有時候我係唔夠堅強同獨立, 但係一個人去左另一個地方讀書, 好多野都唔到自己揀. 我都想有人可以幫我, 但係佢地又何常唔係有自己既事要理呢 ... 見到人地咁, 冇理由仲要人地幫自己架 ... 人地安慰下自己, 我已經覺得好舒服架喇. 一年啦, 咩都習慣架喇, 所以你唔需要咁諗架. 因為我真係唔係咁既意思. 真係sorry呀 ... 希望你睇完我個message會好返d啦.