前天跟你去環球嘉年華，很久沒有去遊樂場玩了，所以我提早一兩天完成了功課，這就可以騰出一天的時間跟你去大玩特玩了，hehe。在玩之前，又為了找回我的hdd 的資料，所以先去炮台山的維修公司，但最終也是無功而回。不過，忘記過去，我們眼睛生在頭前，就是要我們向前看，不斷回顧身後，只會弄至自己遍身傷痕，鬱鬱不樂。痛苦，讓時間和將來去沖淡，成為自己的記憶一部份算了。

到了嘉年華，$120 可以有15個代幣，玩到傻，其實好超值，我們到了會場時，我已匆匆地拿出舖了塵的d70s ，還帶了兩個鏡頭，目的只有一個，就是照你。很久沒有照你了，其實有，但這個照是用大機的照，所以我不會像以前般沒有帶好電，這次帶了full set 的電，一定夠用。亦由於香港政府的藍天行動還未成功，我亦帶了一片偏光鏡，好讓拍出來的天空藍一點。

進去玩了，眼見有很多不同遊戲，又有不同攤位，真的琳琅滿目，不知先玩哪個好了。最後，由於天口慶，我們都決定去濕濕身，降降溫先，去左玩氣墊船，真係濕到成個背，不過都應該好快乾。之後就玩左個terminator，由於無咩準備，玩果陣時有d 驚，不過玩落都幾好玩。

之後就去左玩一個轉轉轉的過山車，其實係一個咖啡杯過山車，玩左一次，但由於在車上不斷不斷地轉，所以轉完之後都有點頭暈了。所以，都係玩一次就好了。暈到一陣陣，要緩和番一下，所以就去左開始玩攤位，我地都算唔好彩，玩好多次好多次，先贏得一隻小狗狗，你仲話佢樣衰tim，不過，都係一個lucky 啦！回左陣氣，我地又開始玩番d激的了，先係去玩一個好似海盜船的玩意，不過好失望，因為只得15秒就玩完，完全係未有feel 就ko 了，所以之後又到左一個吊自己在半空的過山車，這是我第一次玩這個可以放背包在身邊的過山車，有點點刺激，因為個安全帶好鬆，所以好無安全感，但都順利完成。跟住就去左玩長長滑梯，之後係一個好激既八爪魚，不斷搖不斷轉，轉到你頭都暈，佢都唔停，初時好似好激，但轉得太久了，攪到好唔舒服，未至於反胃，係坐得唔舒服啦，個安全帶完全壓著大腿，你我都大腿都無血到，大家都擔心玩完之後對腳會壞死呢！

好彩唔死得，不過以後都唔會玩呢個，玩完咁激的，之後去左玩一個鬼屋，玩到朝嘩嘩聲，係扮嘩的嘩，所以這個又可能係一個最不好玩遊戲第二位。到遊樂場，當然要玩一個幸福摩天輪啦，都幾好玩，而之後我地又去玩攤位，又係無功而回，不過途中見到一個鬼佬，好勁，佢真係兩三下手腳就可以擲中所有罐，仲唔係一次，係次次都得，而且個個攤位佢都有方法去玩的，所以好強。

差不多入夜了，我們就去玩一個青蛙跳，這個是由工作人員控制的，所以有時有很多新的玩法，我地都好like 去玩，之後再玩番terminator ，都係一樣，我仲見到個鬼佬悠然自得地同人傾偈，我地就轉到傻，好攪笑，但都係一個好玩的遊戲。最後，有兩個沒有玩--跳樓機(唔好玩)和gforce(無膽玩)，不過，同你去玩真的好好玩，現在想起都會笑出來呢！

影像，讓自己去回味，只要全心去記著，沒有相簿，仍可細味著那一刻的歡愉。