一連4天的學校會議，已使我的腦袋變得硬實了，幸好今天給了我一個機會去放鬆，就是去潛水。一朝早就在彩虹等小雅一齊入西貢，我亦買了一個超大的糯米雞同兩個叉包tim。咁大個都未試過潛水，今次真係過足癮。不過之前都知道潛水唔係一件易事，所以都有少少緊張，所以到了船上聽briefing 時都格外留神。而且個教練「一休」都好nice，所以都好順利咁完成個學習啦!之後就開始喇，我同小雅在同一組，穿上所有裝備時的感覺好重好重，但到水中時有浮力，所以感覺不錯。但小雅就因為所有主要裝備都差不多發現有問題，包括眼罩入水、BCD鬆脫等等的情況下，再加上有「少少」緊張，所以佢地兩個女孩子擾攘了好一陣先開始啦。我地兩個男的就很快完成skill tasks 然後開始去玩去睇了。

在水底的世界雖然沒有我想像中的美麗、幽靜，但親身看到一組組的珊瑚礁、海膽、crown fish等等真的是賞心樂事。

不過最開心的不是潛水，而是可以同小雅去玩浮潛，原來除左行街，一齊浮潛係仲開心的，在大自然下一同去玩，是最開心、最舒適的。

所以下次一定要去。