尋日一早就番左poly做豬頭丙o既mini project (雖然我地咁叫佢，但佢係個好阿sir黎o既~)，o係我幾番掙扎之下都叫做準時起倒身番去，good~做做做，何文田阿媽又突然call我要我去補習……可惡！好似要我隨傳隨到咁！算~我當搵多d錢~

夜晚補完習約好左同佢地四個睇戲食飯，一球成名，比想像中好睇，唔錯唔錯~原來石硤尾南山村有間酒店式經營o既茶餐廳，大家有機會都可以去試試~成晚我地都無無聊聊勁亂吹水，哈哈~勁搞笑~~歌和老街條公園~哈哈~真係好懷念同佢地一齊住hall o既時間~



今日又係一早就番poly同何頭打波，不過有人遲大到囉~不過算啦，我上次都放左佢飛機，level~久休復出o既我最想講o既係宜家o既我有咁耐以黎體能最差架囉！total打左一粒鐘，我唔夠20分鐘就唔夠氣喇！完全謝哂！oh no~~我o既身體幾時變得咁差架？！我唔想咁呀~等我宜家開始每個week跑兩次步先，今次講得出一定要做得到！

晏d同左何頭落左尖咀行下，又去左starbucks飲野傾偈，hapi~好少可有d咁o既節目~