一直都覺得今年情人節會過得好平淡，一來佢要上堂上到6點半，夜晚食得飯黎都無乜時間剩，二來佢竟然叫我唔駛送野俾佢！搞到我都好似好hea唔駛點prepare咁…

但又估唔到今年過得幾特別喎~佢走左堂早左開始我地o既節目，突如其來o既靈感同fit到漏o既timing，成晚都真係過得幾開心幾充實，個傻婆仲好似好滿意咁添~

雖然我同佢今年玩物輕情意重，但最重要都係開心o者，何況佢今次整d朱古力都真係幾好食丫~~呢d野用錢都買唔倒o既~

ps:其實你話我今次無乜準備都可以咁開心係如有神助，我覺得都唔係o既，咁都要你肯配合我先得o既，如果唔係就算我點well prepare都好都無用啦係咪？

ps2:唔知大家有無食過芝士腸味o既鴨胸呢？有興趣不妨去又一城o既EXP試下~