其實我有d幾怕見到我姨媽架

雖然佢好錫我,每次見我都會比錢我...

不過因為佢成日當我小朋友咁囉唆我

又會成日講我爸爸以前點衰同點對我媽媽

所以我每次聽到既時候我都會忍唔住喊

唔係因為佢講我爸爸既壞話而喊

而係因為佢講o岩哂耐喊

爸爸對我來講係一個厭惡既名詞

細細個既時候,我唔知道自己係出生係一個冇愛既家庭

我諗個時係我一生最開心既時間

到後來知道父母之間係冇愛既

我先知道我並唔係一個愛情結晶品

到後來父親成日發脾氣,媽媽出走了

我終於由一個夢回到殘酷的現實

個時我十三、四歲....我唔明白點解媽媽要留低我一個對住爸爸

我只係知道我係被留下既一個

個時我好恨媽媽,不過而家我明白多左...有時係形勢不容許...

爸爸而家年紀愈來愈大,我同佢相處愈來愈難

爸爸有時會單打我話我唔生性冇本事

我好難受,我會諗,你何嘗令我生活好過？

一個咁既人話我我心深不忿

如果佢要用我同人地子女比較

咁我可唔可以用佢黎同其他父母比較？

一個只係顧自己自私既人,佢就係我爸爸

有時我會唔開心,因為我同佢有血緣既聯繫...

一個冇辦法令妻兒幸福,只係要求人地比野佢既男人

可能係咁,我對愛情會存有質疑,臨陣退縮,我害怕和別人進一步既交往...