（台語）

樓仔厝無蓋大間。內底重頭晟隔（tshiânn-keh）緊緊 tō 好勢。郵局、kám-á-店原在。閣起去，二樓攏咧賣啉食。阮的冊店開 tī 三樓。

學生仔用北京話 kā 彼規間叫做「小福」。2003年底，「小福」新開幕，公司派我去開 tī 「小福」的冊店。

去到位，連鞭開始無閒開幕。連紲幾工，樓頂、樓跤按呢傱（tsông），逐間店的人攏看 kah 小可仔有熟似。攏是 tī 「小福」做生理，敢若厝邊頭尾；開幕了後，若閒間，互相攏有咧行。

「我欲愛草莓、水蜜桃、葡萄口味濫濫做伙的奶茶。」我按呢 kā 樓跤賣奶茶 ê 查某囡仔講。

伊拍算感覺真心適，但搖奶茶但偷笑。

二十通歲。Kóo-tsui 啊 kóo-tsui。伊毋但耳珠有鑽空，規个耳仔四、五粒璇石排一逝。看起來誠有個性。毋過，小可仔閉思；kā 加看一、兩秒，伊會歹勢。

彼擺了後，若看我行對遐去，伊的同事 tō 走入去叫伊出來。逐擺無愛 kā 我提錢。我著愛聽候伊下班，才提 hōo 伊的同事。

嘛會行來樓頂冊店，偷 kā 我看。看看 tō 閣行落去樓跤。毋敢佮我講話。

Tō 一直按呢爾爾⋯⋯

⋯⋯

我到今猶會記，是因為遐的代誌發生 tng-當時，我規个人干焦咧想新生南路，另外一間冊店的女店員，

妳啦！

（北京語）

那棟建築不大，重新整裝很快就完成。郵局、小雜貨店保持原樣。再往上，二樓賣的都是飲食。我們的書店在三樓。

學生們叫它「小福」。2003年底，「小福」重新開幕，公司派我去開在「小福」的「校園店」。

到了那兒，隨即開始忙碌。連續幾天，跑上跑下的，不免稍稍認識其他店家的店員。大家都是在「小福」營業，像是鄰居一樣；開幕以後，如果有空，也會到彼此店裡串門子。

「我要把草莓奶茶、水蜜桃奶茶、葡萄奶茶加在一起。」我這樣對樓下奶茶店的女生說。

她大概覺得我是神經病，邊搖奶茶邊竊笑。

是個二十幾歲的女生。長得可愛。耳朵上不只耳垂鑽了耳洞，而是一整排，四、五顆水鑽。很有個性的樣子。但是，容易害羞；多看她兩眼，臉就紅了。（謎之音：你老闆說得沒錯，你就是愛亂放電。）

那次之後，只要看我往那兒走，她的同事馬上走進後間叫她出來。而她每次不讓我給錢。我總得等她下了班，再把錢交給她的同事。

也會走上三樓書店。偷偷觀察我。然後又走回樓下。始終不敢和我說話。

也就一直如此而已⋯⋯

⋯⋯

我到如今還記得，是因為，那一切發生的時候，我整個心裡只想著新生南路上，另外一家書店裡的女生，

妳。