（台語）

兩年偌前，王建民佇Yankees遏（at）著跤骨彼陣，我當蹛（tuà）佇New York。

去佇New York，踮（tiàm）佇Columbia大學，是欲申請入ì博士班讀冊；毋過，無蓋順利。王建民復出彼當時，我拄好接著通知；提出ê申請，又閣失敗ì。

無博士班通（thang）好讀，Columbia大學ê碩士一咧提著，tō必須離開美國。

想著佮爸母、阿姑相別彼當陣ê咒誓（tsiù-tsuā）袂當完成，我實在見笑（kiàn-siàu）轉去台灣。碩士論文就按呢來拖咧，毋敢kā完成；實在講，是毋敢畢業，毋敢轉去台灣，毋敢面對爸母。

毋過，人咧失志，咧艱苦，心肝頭是足想欲轉去故鄉。

所以我定定（tiānn-tiānn）走去Manhattan南碼頭看海湧，數想（siàu-siūnn）轉去台灣。「提啥物轉去？手頭干焦『失敗』兩字，提啥物轉去？」我按呢問家己。

就按呢拖咧，拖咧。拖kah袂記得家己留踮美國是欲創（tshòng）啥物。

當初ê目標已經渺茫。雖然我有蹛有穿，煞感覺家己是流浪、流落佇美國⋯

目標已經渺茫，我干焦會記得王建民猶閣咧㧒球。我干焦會記得伊較早若是贏球，若是勝利，我敢若tō有氣力，tō毋驚路歹行。

王建民當復出，我是偌想欲看伊勝利！

哪知王建民表現無蓋好。彼規個月，我佮朋友Daniel，流連佇野球球場，為著想欲看王建民勝利，khok-khok傱（tsông），khok-khok等。我毋知Daniel按怎想，我干焦知影，王建民若勝利，我tō會當相信，我家己嘛仝款拍袂倒。我感覺Daniel了解我ê心情，伊無加（ke）講啥，干焦陪我流連球場，khok-khok傱，khok-khok等⋯

'09年6月28，王建民輸6場了後，終於（tsiong-î）佇Mets主場勝利。Daniel佇身軀邊，我毋敢流目屎；我干焦佇心內喝足大聲，「贏囉！贏囉！」我干焦暗暗kā家己講，「伊無放棄，我嘛袂使放棄。」

'09年7月初4，王建民佇Yankee主場著傷。離開球場，離開Yankees，無閣轉來⋯

彼陣，我真正失志，真正迷失，真正開始佇美國流浪。

當初來佇美國，別人看我戴Yankees帽仔，會喝「王建民！」tsit-má，別人看我ê帽仔袂閣喝聲，我感覺in看著ê是我ê失敗。我ê目標、王建民，一切向望（ǹg-bāng），攏總渺茫ì。前途茫茫⋯

落尾，我轉來台灣，重新做起。每一日，我讀冊、寫研究計畫，準備申請；每一日，我掀開新聞紙，揣王建民復健ê報導。我暗暗kā家己講，

「我若無放棄，王建民無放棄，阮tō會閣徛起。我ê路途、我ê方向，會一日一日清楚；伊ê球，會閣沉落ì！」

後來，我正實申請著博士班，申請著獎學金。爸母、朋友替我歡喜，我知；我嘛知，我ê期待、我ê向望，猶未圓滿，

我有出頭啊，王建民猶未，我欲等伊。我欲等伊閣徛起，我欲等球閣沉落ì。

「我相信家己毋是空等。我無放棄，王建民嘛袂放棄；王建民並無佇我失志ê時陣放棄追求勝利，我嘛袂佇伊捲土重來進前放棄等待。我有出頭啊，王建民猶未，我欲等伊！」王建民這擺復出彼工，我按呢kā阮女朋友講；我接載（tsih-tsài）袂牢（tiâu），目屎連鞭輾落來⋯

頭兩場無蓋順序，毋過看會出來伊一直咧調整，一直咧進步。

今仔日，復出第3場，王建民面對Chicago Cubs，主投6局，干焦予對手摃1支安打，無失分；用球數佮滾地球出局ê數字攏展現伊上衝（tshìng）彼當陣ê水準。穩觸觸（ún-tak-tak）提著勝投。

我吐一口大氣，kā家己講，

「申請博士班ê日子，今仔日tsiah真正結束。今仔日tsiah真正結束。」

（北京語）

兩年多前，王建民在洋基隊腳踝骨折那時，我住在紐約。

去到紐約，就讀哥倫比亞大學，原是想申請進入博士班就讀；無奈，並不順利。王建民復出時，我正好接獲通知；所提出的申請，又再失敗了。

沒有博士班好唸，取得哥倫比亞大學的碩士以後，就得離開美國。

辭別父母、姑姑時的承諾未能達成，我無顏返台。於是將碩士論文拖著，不敢將之完成；其實，是不敢畢業，不敢返台，不敢面對父母。

然而，失意、痛心的我，好想回到故鄉。

我所以經常到曼哈頓南碼頭看潮浪，想望返回台灣。「但是拿什麼回去呢？手中只有失敗，拿什麼回去呢？」我自問。

就這麼拖著，拖著。直到全然不知自己滯留美國所為何事。

最初的目標飄渺。雖然有落腳之處，卻感覺自己流浪、流落在美國⋯

目標飄渺，我只記得王建民還在投球。我只記得早先他只要贏球，只要勝投，我好似就有動力，好似就能不畏艱難。

王建民復出，我多麼想看到他拿下勝投！

無奈王建民表現不如預期。一整個月，我和朋友Daniel流連球場，一心想看王建民奪勝投，不停奔波，不斷等待。我並不知道Daniel怎麼想，我只知道，王建民的勝投，會使我能夠相信，自己也不會被打倒。我想Daniel知道我的心情，沒多說什麼，就陪著我流連球場，不斷奔波，不停等待⋯

6月28日，王建民在6場不勝之後，終於在大都會主場勝投。Daniel就在身邊，我忍住眼淚；只是在心裡大喊，「贏了！贏了！」只是默默告訴自己，「它沒有放棄，我也不該放棄。」

7月4日，王建民在洋基球場負傷。離開球場，離開洋基，沒再回來⋯

那時，我真的失意，真的迷失，真的開始在美國流浪。

當初來到美國，有人看到我戴著洋基隊球帽，會大喊「王建民！」現在，別人看到我的球帽不再吶喊，我感覺他們看見的是我的挫敗。我的目標、王建民，一切盼望，盡皆飄渺。前途茫茫⋯

後來，我回到台灣，重新開始。每天，我研讀，撰寫研究計畫，準備申請；每天，我翻開報紙，尋找王建民復健的報導。我默默對自己說，

「我不放棄，王建民不放棄，我們就會再起。我的道路、我的方向，會一天一天清晰；王建民的球，會再下沉！」

後來，我真的申請到博士班，申請到奬學金。我知道父母、朋友為我高興；而我知道，我的期待、我的盼望，尚未圓滿，

我有所成，王建民還沒有，我要等他。我要等他再起，我要等球再下沉。

「我相信我不是空等。我不放棄，王建民也不會；王建民沒有在我失意時放棄求勝，我也不會在他捲土重來之前放棄等待。我有所成，王建民還沒有，我要等他。」王建民此次復出當天，我這麼對張咪咪說；忍不住，落下眼淚⋯

前兩場不甚順利，不過，看得到王建民不斷在調整，不斷在進步。

今天，復出第3場，王建民面對芝加哥小熊隊，主投6局，只讓對手擊出1支安打，無失分；用球數和滾地球出局數都展現巔峰時期的水準。穩穩拿下勝投。

我鬆了口氣，對自己說，

「申請博士班的生涯，到今天才真正結束。到今天才真正結束。」