諗住放開一切嘅我
清晨俾一個電話嘈醒
我知道 我又有排忙
尋晚唔覺意聽到愛人同佢講電話
都不以為意...只係以為佢
唔想放手啫...但係
今朝佢打俾我
我就知原來一直我都冇估錯
原來真相係佢哋之間真係有第三者
而呢個第三者當然唔係我
係大家都識咗好耐
一直都一齊玩嘅鵬鵬
大家都唔想相信
但係亦冇得唔相信
聽聞佢哋喺我home樓下打交
好正路嘅事 俾著邊個都會
之後佢朝早打嚟就係話佢面對唔到...
我知佢係面對唔到現實
點都好 我都想可以陪吓佢
唔想佢亂諗嘢...
所以就仆咗過去揾佢
都係唔出聲 唔食唔瞓咁啦
我都唔知可以點
hea到晏晝三四點就同佢去食啲嘢
佢哋話今晚出去傾 講清楚喎~
咁咪陪佢周圍痕吓囉
等到夠鐘去皇朝坐咗陣
同明仔傾咗陣就去...
我唔知佢哋點傾 傾咩或者有冇傾ga
淨係坐埋一邊 好似唔多存在咁囉
因為第日要返八點半training
所以走先 加上留低都冇乜意義
就係咁 我啲多餘嘅擔心又令到我咩都冇放低過...