今晚 係之前一早約定咗去唱k
其實我唔多想去
直到收工我依然係諗住冇人打俾我就唔去
最後佢都有打俾我 係尋日講好嘅…
加上個天都唔會俾我咁好過
置身事外唔見佢哋就算
一去到 佢望都冇望過我
就算唔識嗰啲都會say聲hi啦
好似同佢有仇咁 唔知呀
所以我諗住坐過去
等個氣氛冇咁奇怪
點知佢唔理我不但止
仲要我坐喺佢隔離咁耐
佢用個背脊’得’足我咁耐
真係佛都有火ga ma !!
咁我咪坐返開囉
我不嬲都好忌俾人無視
仲要係俾自己鐘意嘅人
所以一直都好唔開心 而佢
依然係咁 完全無理我
如果唔知 真係以為我自己死咗
之後 阿鵬阿sam同人哋愛人都嚟齊
都係咁啦 我仲未平復到
而佢又係全程黑面
咁我諗住我唔開心 都唔想佢咁嘅樣
又feel到佢可能係想同佢玩 或者坐埋一齊
咁咪叫愛人陪吓佢囉~
總之成晚我淨係知 我冇開心過
想快啲走 至於其他嘢 我都冇乜點留意
我終於忍唔住走先
話走又唔想走就係我嘅性格
冇計啦 我太了解我自己啦
冇錯 我又走返轉頭
而佢哋 冇睇錯嘅話佢哋喺度傾緊嘢…
咁我唯有當我係pat痕走返轉頭囉
仲撞block tim 嚇死…好彩冇事
就係咁走返去望一眼又走多次
聽日放假已經冇晒feeling
唯一嘅feeling咪係唔開心囉
無論我同你講乜做乜你都好似見唔到我咁
你知唔知就算係對一個普通朋友都會好hurt
我知道 或者你心入面淨係得佢一個
但係估唔到 喺你眼中 都完全冇我…