我又同佢鬧不和啦~
收工之後joy到金峰哋遊車河
又唔知做乜無啦啦又話去唱k
本來返九點我都唔多想去
不過佢哋咁興致勃勃
又咁早,應該無乜問題嘅...
點知途中又因為打唔打機嘅問題 嘈~
好啦,一人讓一步,打一陣
但係真係好攰,加上未嬲完
有啲黑面,點知我黑完又到佢...==!!
阿鵬又開始撩我玩 猜輸要錫人
咁玩吓啫,又無傷大雅嘅~
點知佢咁大反應嘅啫
就算當我唔啱,最多咪唔玩囉
唔洗咁惡啩
最後梗係不歡而散啦
超級唔鐘意佢啲態度
所以打算俾一個月時間大家冷靜吓
唔揾佢哋住lu
總之我同佢就好似阿鵬同我咁
而佢鐘意佢條女又好似我鐘意佢咁
惡性循環...另一方面
我梗係想有人對我好啦
但係我對佢又真係冇feel呢~
有feel嗰個又對我咁差
唉!真係天意弄人...