【期匯決算】金價1500美元可吸納

【Now財經台】一連3日嘅全球央行年會Jackson Hole即將召開，外電形容呢個可能係近年最重要嘅年會，市場揣測美國聯儲局主席鮑威爾會發出重要訊息。

興業期貨業務發展部董事蕭猷華話，自從美國減息以嚟，現貨金已經升咗唔少，市場仍然炒緊減息，估計金價喺1500美元有支持，呢個價位都適宜買入，因為今個周末金價可能會升返上1530美元水平，逼近之前嘅高位。

Tony又話，其實今年已經有多個國家宣布減息，市場亦預計中美貿易問題短期內未解決到，相信鮑威爾喺Jackson Hole年會好可能會放鴿。