身邊既朋友都知道，我整個暑假都成日去台南科學園區做助教，去得最多既有奇美，台積電，國家奈米實驗室，育成中心等，其它企業或多或少都有一ｄｄ接觸．前日，又去奇美辦一ｄ退費既事，再次踏入奇美，發覺真係好喜歡呢間公司．

　　唔知點解，我對奇美真係情有獨鍾，可能第一次做助教既地方就係奇美，其次，奇美真係表現出大公司既風範，同埋，最有人情化既企業文化．奇美係唯一一間讓員工食飯免費既公司，而且好重視員工既在職培訓，什至連佢地黎上堂都會有加班津貼，真係好到無得頂．我相信百一間用心培訓員工既公司，一定係間好公司．

　　雖然，奇美有好多成大既學長姐，而且奇美亦都好鍾意用成大既學生，但始終覺得自己咁渺小，又乜都唔識，好驚自己有無咁既quality令人地肯要，但奇美真係我既第一志願，第一次咁想入一間公司工作，但畢竟同考聯考唔同，唔係話努力就可以，仲有好多外在因素．

　　唯有繼續努力，努力充實自己．