前日,入左去桃園搵阿仙,嘩....原來長庚醫院真係好大好大好大...仲好靚好靚好靚...

見到阿仙個陣,真係好開心,他鄉遇故知就係咁....然後我地就去搵地方食飯,一邊行一邊討論食乜既時候,對面有一間好豪華好靚既餐廳,阿仙話個間睇黎好正咁,我話等我臨返台南前一日同佢去食啦...咁我地就"咋街e"經過門口,目及下個價位啦...

一睇...我同阿仙都呆左,真係比佢嚇親,佢d好豐富既餐,咩沙朗呀,大蝦呀,總之高貴野先二百幾,而一般既扒類就百六七度,我同阿仙都有d唔敢相信(因為睇佢裝修似五六百).....個待應開門比我地既時候,都有d唔敢入去.

d扒好好味呀,d肉好嫩...個沙泣吧先精彩,有蒜蓉包,蛋糕,栗米濃湯,八九種野飲,沙拉就有七八種材料,冰(配料有六七樣),炸甜不辣,炸豆腐,羅白糕,茶凍,布丁...而且地方好大,食得好舒服,
唔會有人同你爭羅野食...而且服務態好好..


呢餐我同阿仙都好滿意,不過阿仙之前有打定底,而我又好肚餓,所以今次打成平手...但我地同樣有種賺左既感覺,仲話下次會再去過添..

之後參觀左阿仙既新居,係一間好溫馨既小房間..唔錯..幾舒服