呢兩日因心情真係好唔好,所以無去上堂,嗯...第一次咁頹廢,但我真係唔想去上堂,有一剎那衝動想羅張機票返澳門.

睇返以前學長姐佢地po既文章,先發現佢地當時黎台北補習既感覺同我一樣,一個人,陌生的環境,忙碌既台北,令人煩厭的課程,想家的心情,等等....原來黎台北補習,係一次好嚴厲既考驗....

早幾日係街度碰到都係黎補習既同學,原本以為佢係台灣人,女朋友又係台北應該比我好好多啦,原來唔係,佢同我一樣咁唔適應,咁孤單,佢女朋友返學既時間同佢又唔一樣,又住得好遠,幾乎都無乜時間見到面.當時,我仲鼓勵佢,叫佢多認識其它朋友....到左今日,自己都會落入呢種失落感當中,係一群群既人海中,匆匆忙忙既車中,冰冷冷既城市中,突然間好迷失,唔係自己係咪真正存在?唔係自己係度係為左乜?好似無晒方向咁,連一個屬遲自己真正可以回去舒舒服服既地方都無...

不過,我同自己講,唔可以放棄,我話過我唔會再走第二次堂,或者,搵多d野做,等自己多d精神寄托.