2005-06-22 00:12:24知
28歲的生日
人生七十古來稀，剛過了二十八歲的我，不經不覺已活了超過三分之一的人生。這個生日是長駐北京之後的第一個生日，如聖誕節一樣，我選擇了回港。多得各方好友的愛戴，給了我一個三天緊密的慶祝行程，緊湊得來卻充滿一個一個愉快的回憶!
在三整天留港的時間，每天都安排了最少四個的聚會，有一位朋友說我真的有很多朋友，是嗎?無論是否，他們每一個都是我的好朋友，多得他們的熱情，才有這樣豐富的節目。
我在二十六日晚上回港，想一想也很特別，在飛機上踏入五月二十七日，這可是第一次喔!到家時已經是零晨一時多了，在家總是會擾攘一番，也不忘和哥哥打了兩鋪聖鬥士星矢，所以睡覺的時間為零晨三時。不知是太興奮還是什麼，竟然只睡了六小時……九點就起o左身!
講番早d，其實第一份禮物好早好早就收到，Yee的送o左第一份生日禮物俾我，超級多謝呢個好妹妹!
講番27號，生日正日，一早起身，由於知道之後都無時間陪屋企人，所以就同屋企去左飲茶，阿嫲同姑姐都有去，我都好耐無同佢o地飲茶。而家人大o左，反而覺得同姑姐親密o左，多o左野講，講o下旅行，講o下音樂，好不寫意。
匆匆忙忙飲到11點幾，跟住即刻又起程到中環，首先入o左張check再搵Bernard攞番d禮物，跟住去北京樓同阿基，Winnie同ball仔食飯，我地肯定係最casualo既一檯,我著件難鬼bossini黑色tee,阿基同ball仔正常d，我o地叫o左幾個點心同炒飯，咁o岩Bernard約o左Perry食飯，佢o地話join埋一齊食，估唔到一次見咁多個朋友。數數手指，我同Perry真係起碼4-5年未見過。食完飯都差不多兩點幾，跟住過去恆生總行先將d手信俾o左Rainbow，之後就過o左尖沙咀行行街。每次番香港，都會好有計劃地去剪頭髮，今次因為行開阿士厘道，就去o左一間以前Claudia提過o既salon試一試，最平收費$200，可以接受呀!(橫店係北京都要成160蚊人民幣)，的確服務都唔錯,亦都剪得幾好(幾個朋友的意見)。
剪完頭髮就按計劃去買鞋，自從兩年之前買過一對鞋之後，都未買過一對鞋，o係北京真係搵唔到適合的款，本來上幾次返香港時都想買，不過都睇唔o岩。所以可能因為咁，今次好似傻左咁……一買就買o左3對，2對係波鞋款，一對係斯文款，可能因為唔算貴先買3對，總共$1500左右。但係o係買鞋時，最唔開心係o個個sales話我唔似香港人，咁即係暗示我係自由行啦!!!!所以我不斷好氣憤地要証明我係地地道道o既香港人，當然都反問自己點解會咁架。咁o岩係尖沙咀，阿達打o黎，所以約佢去麻布飲左杯o野，跟住又要趕住過香港島食飯。o個日天氣非常差，突然落起傾盆大雨，所以又要破費o係7仔買o左把遮，但係真係太大雨啦，有遮等於無遮，特別係o係清真寺入口，“塞人”……足足用o左5分鐘先落到大堂……唉!
晚飯之前，先到Island ShangriLa飲o左杯o野，在友人介紹下點了一個鵝肝醬麵包，味道的確唔錯，連我這個對鵝肝醬只是一般喜愛的人也覺得值得推介。由於我遲到了，所以坐o左一陣就去金鐘的Ruth Christ食正餐—牛扒。Ruth Christo既環境好好，勝在人唔多，我o地坐o係靠窗的一邊，可以望到金鐘道的車水馬龍，與餐廳內的幽靜環境存在著反差，感覺不錯。我們都點了一份牛扒，份量剛好。最得意o既o係坐o係我o地後面的一對男女，都係為那位女士慶祝5月27日的生日，多巧合！不過，好似連續兩次和友人在這些餐廳食飯都同時有人慶祝生日呢……一直食到大約十點幾，我就需要再趕去下一場，同東亞同事“怒擘”一番。講真一句，同佢地擘酒真係幾開心，而身邊會一齊擘酒的朋友就係佢地。不過我今次都唔算擘，只係開始時連續飲o左幾杯……之後又無玩骰盅，所以真係飲得唔多，但係都嘔……唉！我記得Carmen話我o既酒量好o左，佢話我舊年的同樣時候已經攬住個酒桶準備嘔……o個晚又玩又飲又唱又影，的確好開心！一直擘到零晨三點幾先離開。
話咁快，瞓o左不夠6個鐘又起身，因為約o左Edith食早餐，沖完涼清醒o左d就出門口，準備我第二次的「揸車大行動」。之前問定嘉仔借佢架車o黎揸，十分緊張，因為係我考o左車牌後第二次揸車，仲要之前一晚飲o左酒，如果真係俾差人捉住，都唔一定可以過到吹波仔。o係荔欣苑攞o左車，再揸出停車場已經好緊張，因為咩都唔識，仲要有好多架車o係我後面等住……真係勁唔好意思……好不容易先離開o左停車場，便向住鑽石山出發。雖然係第二次揸車，都知道最快就係行龍翔道，膽粗粗就行龍翔道，無驚無險沿著黃大仙道駛去鑽石山，將車泊o左係龍蟠苑，掂，整個行程只係用o左20分鐘！由於Edith要入camp，所以好快咁同佢飲o左個早茶，佢話佢好鐘意一個人去飲下早茶，睇下報紙，嘩……退休阿伯o既生活竟然會出現o係佢身上，哈哈。不過，如果我同佢住得近d，我可能會成日搵佢去飲早茶，一盅兩件，正！我相信佢會係一個好好o既飲茶伴侶，如果咁好彩，希望到o左老o既時候都可以同這個好朋友去飲茶，那麼夫復何求。由於我估o係佢生日之前都唔會再見到佢，所以就送o左一份小禮物俾Edith，不過無咩時間同心思去挑，希望佢真係鐘意。開心o既時間總係過得好快，由11點開始飲，一陣就到o左中午12點，我又要趕下場……
因為我唔想揸過海，同為o左省時間，我約o左Catherine去鑽石山等，咁我就可以順路入去大埔了。Catherine係我o既第一個乘客，我都好佩服佢o既勇氣。其實有乘客對於我來說係會加大我o既壓力……從鑽石山去大埔o既小白鷺餐廳，又係另一個挑戰……先要入大老山隧道，再沿著高速公路向馬鞍山方向進發，時速限制為80km/h，都幾快……因為我唔算係好熟路，所以選擇o左從馬鞍山轉出吐露港公路入大埔，之後就o係大埔入口的迴轉處去大埔道。好耐無入過大埔，一個曾經好熟悉及有意思o既地方。好順利地經過大埔道，再轉入滌濤山到達小白鷺餐廳。完成了第二個missinon….勁！o係好耐好耐之前，同阿Wing及Kenneth到過這個地方食飯，所以有d印象，環境好好，餐廳樓底好高，外面仲有一個湖，所以好舒服，將城市o既壓迫感都一掃而走。(待續…)
在三整天留港的時間，每天都安排了最少四個的聚會，有一位朋友說我真的有很多朋友，是嗎?無論是否，他們每一個都是我的好朋友，多得他們的熱情，才有這樣豐富的節目。
我在二十六日晚上回港，想一想也很特別，在飛機上踏入五月二十七日，這可是第一次喔!到家時已經是零晨一時多了，在家總是會擾攘一番，也不忘和哥哥打了兩鋪聖鬥士星矢，所以睡覺的時間為零晨三時。不知是太興奮還是什麼，竟然只睡了六小時……九點就起o左身!
講番早d，其實第一份禮物好早好早就收到，Yee的送o左第一份生日禮物俾我，超級多謝呢個好妹妹!
講番27號，生日正日，一早起身，由於知道之後都無時間陪屋企人，所以就同屋企去左飲茶，阿嫲同姑姐都有去，我都好耐無同佢o地飲茶。而家人大o左，反而覺得同姑姐親密o左，多o左野講，講o下旅行，講o下音樂，好不寫意。
匆匆忙忙飲到11點幾，跟住即刻又起程到中環，首先入o左張check再搵Bernard攞番d禮物，跟住去北京樓同阿基，Winnie同ball仔食飯，我地肯定係最casualo既一檯,我著件難鬼bossini黑色tee,阿基同ball仔正常d，我o地叫o左幾個點心同炒飯，咁o岩Bernard約o左Perry食飯，佢o地話join埋一齊食，估唔到一次見咁多個朋友。數數手指，我同Perry真係起碼4-5年未見過。食完飯都差不多兩點幾，跟住過去恆生總行先將d手信俾o左Rainbow，之後就過o左尖沙咀行行街。每次番香港，都會好有計劃地去剪頭髮，今次因為行開阿士厘道，就去o左一間以前Claudia提過o既salon試一試，最平收費$200，可以接受呀!(橫店係北京都要成160蚊人民幣)，的確服務都唔錯,亦都剪得幾好(幾個朋友的意見)。
剪完頭髮就按計劃去買鞋，自從兩年之前買過一對鞋之後，都未買過一對鞋，o係北京真係搵唔到適合的款，本來上幾次返香港時都想買，不過都睇唔o岩。所以可能因為咁，今次好似傻左咁……一買就買o左3對，2對係波鞋款，一對係斯文款，可能因為唔算貴先買3對，總共$1500左右。但係o係買鞋時，最唔開心係o個個sales話我唔似香港人，咁即係暗示我係自由行啦!!!!所以我不斷好氣憤地要証明我係地地道道o既香港人，當然都反問自己點解會咁架。咁o岩係尖沙咀，阿達打o黎，所以約佢去麻布飲左杯o野，跟住又要趕住過香港島食飯。o個日天氣非常差，突然落起傾盆大雨，所以又要破費o係7仔買o左把遮，但係真係太大雨啦，有遮等於無遮，特別係o係清真寺入口，“塞人”……足足用o左5分鐘先落到大堂……唉!
晚飯之前，先到Island ShangriLa飲o左杯o野，在友人介紹下點了一個鵝肝醬麵包，味道的確唔錯，連我這個對鵝肝醬只是一般喜愛的人也覺得值得推介。由於我遲到了，所以坐o左一陣就去金鐘的Ruth Christ食正餐—牛扒。Ruth Christo既環境好好，勝在人唔多，我o地坐o係靠窗的一邊，可以望到金鐘道的車水馬龍，與餐廳內的幽靜環境存在著反差，感覺不錯。我們都點了一份牛扒，份量剛好。最得意o既o係坐o係我o地後面的一對男女，都係為那位女士慶祝5月27日的生日，多巧合！不過，好似連續兩次和友人在這些餐廳食飯都同時有人慶祝生日呢……一直食到大約十點幾，我就需要再趕去下一場，同東亞同事“怒擘”一番。講真一句，同佢地擘酒真係幾開心，而身邊會一齊擘酒的朋友就係佢地。不過我今次都唔算擘，只係開始時連續飲o左幾杯……之後又無玩骰盅，所以真係飲得唔多，但係都嘔……唉！我記得Carmen話我o既酒量好o左，佢話我舊年的同樣時候已經攬住個酒桶準備嘔……o個晚又玩又飲又唱又影，的確好開心！一直擘到零晨三點幾先離開。
話咁快，瞓o左不夠6個鐘又起身，因為約o左Edith食早餐，沖完涼清醒o左d就出門口，準備我第二次的「揸車大行動」。之前問定嘉仔借佢架車o黎揸，十分緊張，因為係我考o左車牌後第二次揸車，仲要之前一晚飲o左酒，如果真係俾差人捉住，都唔一定可以過到吹波仔。o係荔欣苑攞o左車，再揸出停車場已經好緊張，因為咩都唔識，仲要有好多架車o係我後面等住……真係勁唔好意思……好不容易先離開o左停車場，便向住鑽石山出發。雖然係第二次揸車，都知道最快就係行龍翔道，膽粗粗就行龍翔道，無驚無險沿著黃大仙道駛去鑽石山，將車泊o左係龍蟠苑，掂，整個行程只係用o左20分鐘！由於Edith要入camp，所以好快咁同佢飲o左個早茶，佢話佢好鐘意一個人去飲下早茶，睇下報紙，嘩……退休阿伯o既生活竟然會出現o係佢身上，哈哈。不過，如果我同佢住得近d，我可能會成日搵佢去飲早茶，一盅兩件，正！我相信佢會係一個好好o既飲茶伴侶，如果咁好彩，希望到o左老o既時候都可以同這個好朋友去飲茶，那麼夫復何求。由於我估o係佢生日之前都唔會再見到佢，所以就送o左一份小禮物俾Edith，不過無咩時間同心思去挑，希望佢真係鐘意。開心o既時間總係過得好快，由11點開始飲，一陣就到o左中午12點，我又要趕下場……
因為我唔想揸過海，同為o左省時間，我約o左Catherine去鑽石山等，咁我就可以順路入去大埔了。Catherine係我o既第一個乘客，我都好佩服佢o既勇氣。其實有乘客對於我來說係會加大我o既壓力……從鑽石山去大埔o既小白鷺餐廳，又係另一個挑戰……先要入大老山隧道，再沿著高速公路向馬鞍山方向進發，時速限制為80km/h，都幾快……因為我唔算係好熟路，所以選擇o左從馬鞍山轉出吐露港公路入大埔，之後就o係大埔入口的迴轉處去大埔道。好耐無入過大埔，一個曾經好熟悉及有意思o既地方。好順利地經過大埔道，再轉入滌濤山到達小白鷺餐廳。完成了第二個missinon….勁！o係好耐好耐之前，同阿Wing及Kenneth到過這個地方食飯，所以有d印象，環境好好，餐廳樓底好高，外面仲有一個湖，所以好舒服，將城市o既壓迫感都一掃而走。(待續…)